Сөнбесінші жанардағы жарқылың

Өмір осы - бір қуаныш, бір қайғы,

Жаңалықтар сәтін тосып тұрмайды.

Сын артынан күтіп тұрар сый тосын,

Бәрі өткінші, тек мойыма, сен досым.

Риза болсаң Алла берген өмірге,

Сабыр келер тыншымаған көңілге,

Тек көңілдер суымасын, алтыным,

Сөнбесінші жанардағы жарқылың.

Түн артынан күн шығады әрқашан,

Дүние кезек айналады, байқасаң.

Жақсылықты көре білген адамға,

Өмірдің бар марапаты жап-жайсаң!