Жауынды сүйген қыз

Жазбайтын өлеңін сезімсіз,
Әр шумақ бір ғалам өлшемсіз.
Тоқтаусыз ақ жауын жырлары -
Жаңбырды ұнатып, сүйген қыз.

Шынымен тағдырың сондай ма?
Әлде мұң қондырған ұнай ма?
Мендегі өткенші нөсерлер,
Гүлденіп бір солды қурайға.

Қай жырын оқысам күрен күз…
Жадырап қай кезде жүрмексіз?
Қолшатыр түспейме қолыңнан?
Алаңсыз күніңді көрмеппіз.

Әрине, жарасқан  нәзіктік.
Қамқөңіл  жүректен соны ұқтық.
Тұманды Альбион тұрғыны -
Не ұттың сарғайып дым құшып?