Тұлғалар сөз алады
19.01.2038
6104
Журналист Гүлбаршын Сабаеваның «Тұлғалар сөз алады» атты кітабына «Елшілер сөйлейді» айдары бойынша 2007 – 2010 жылдары Айқын газетінде жарық көрген Қазақ елінің сырт елдердегі Төтенше жəне Өкілетті елшілерімен дайындаған сұхбаттары енгізілді. Жобаның басы-қасында тұрған БҰҰ-дағы қазақ елінің өкілі Қасым-Жомарт Кемелұлы Тоқаев екенін мақтанышпен айтуға болады. Авторлық жоба Қасым-Жомарт Кемелұлының ақ батасы ретінде эксклюзивті сұхбатымен басталған.
Аталмыш жоба қазақ журналистикасында сыртқы саясат тақырыбындағы жаңалық, тың ізденіс ретінде Елбасы Нұрсұлтан Назарбаевтың «Алғыс Хатымен» марапатталғандығын айта кету керек. Елшілермен, дипломаттар сұхбат барысында қазақ елінің халықаралық саяси аренадағы рөлін салмақты баяндайды, кəсіби дипломаттар көзімен сараптайды. Бұл болашақ дипломаттар үшін таптырмас оқу құралы болып табылады.
Бөлісу: