Құныпия Алпысбаев. Ілияс Есенберлин және тарих: таным мен тағылым

Ғалым, ұстаз, филология ғылымдарының докторы, профессор Қ.Алпысбаевтың бұл монографиясында Қазақ мемлекетінің жеке шаңырақ көтеруі мен қалыптасуының, ақырында отарлыққа тап болған халықтың азаттық үшін күресінің көркем шығармадағы көрінісі зерттеу өзегі болады. Ілияс Есенберлиннің тарихи романдары арқау етіліп, көркемдік таным мен тағылым тұрғысынан қарастырылады. Қаламгердің тарихи тақырыпты игеруі, өмірлік шындықты көркемдік шындыққа айналдырудағы әдіс-тәсілдері, оны жүзеге асырудағы шеберлік қырлары сараланады. Кейіпкер бейнесі, замана көріністері арқылы берілетін уақыт сабақтастығы, шығарма мәтініндегі сөз астары, ой жапсары, сыр қатпары байыпталады.

Кітап докторанттарға, магистранттарға, студенттерге, сондай-ақ жалпы әдебиетті сүйетін оқырмандарға арналады.