Қазақстан табиғаты 4 том М-С (4)

Көп томдық «Қазақстан табиғаты» энциклопедиясында баянды еліміздің бай табиғаты, оның ішінде тау шыңдары, жон-жоталары, шоқы-қыраттары, белесті жазықтары, жусан иісті далалары, дария теңіздері, өзен-көлдері, орман-тоғайлары, жеті қат жер қойнауы, көрікті қорықтары, сəнді саябақтары, жануарлар əлемі, топырақ жамылғысы мен өсімдіктер дүниесі, т.б. энциклопедиялық жүйемен, əліпби бойынша берілген. Мақалалар суреттермен безендіріліп, кесте, карталармен толықтырылған. Келесі томында жалғасын табатын бұл басылым туған жер, өскен топырағын жетік білгісі келетін географтар мен биологтарға, сондай-ақ көпшілік оқырман қауымға арналады.