Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы

Блогтар

04.05.2017
4127
0

АИДА

Шығыс жақты тырнап өссе таңдарда əн,

 Бір сезімді аңсап тұрар қанды арнам...

Бүгін тағы əлдене іздеп жүргендей,

Шаршап қайтты ішкі əлемім жолдардан.

 

Күміс бұлтын тербеп ұшты аспан тым,

Көкжиекте күн көңілін басқан мұң.

Жаңбыр исі аралап жүр ауаны,

Сəби үнін іздегендей жас талдың.

 

Ой арқалап өткен шақтар көп түннен,

Жас тамады  кəрі қайыңнан бет тілген.

Көктем келді деп ғашықтар қыдырды,

Ешбір көктем көріп тұрған жоқпын мен.

 

Мəңгі бітпес сырлы ертегім жайында.

Көктем өңін көрсетпейді қайың да,

Өскеменге көктем қашан келеді,

Шыныңды айтшы, көктем қыз-ау, Аида?!

 


Бөлісу:
     
Пікір қалдыру: