Блогтар
Мектепке дейінгі білім беру саласының қоғамдық кеңесінің отырысы өтті
ҚР Білім және ғылым министрлігі жанынан мектепке дейінгі тәрбие мен оқыту саласы бойынша құрылған қоғамдық кеңестің алғашқы отырысы болды.
ҚР БҒМ мамандары, ЖОО орындарының ғалымдары, үкіметтік емес ұйымдар, жеке балабақшалар бірлестіктері, Ы. Алтынсарин атындағы білім академиясының қызметкерлері, «Мектепке дейінгі балалық шақ» республикалық орталығы, ата-аналар қауымдастығының өкілдері бас қосқан қоғамдық кеңес отырысында мектепке дейінгі білім беру, балабақшалардағы балаларды тамақтандыру, ауыл мен қала балабақшаларының айырмашылықтары, «мектепке дейінгі тәрбие мен оқыту» мамандығы бойынша мамандарды даярлау және қайта даярлау, осы саланы зерттеу жұмыстарына жас ғалымдарды тарту және т.б. өзекті мәселелер ортаға салынып, мектепке дейінгі тәрбие мен оқытуды дамыту бойынша аталған мәселелерді Ұлттық іс-қимыл жоспарына енгізу бойынша ұсыныстар қабылданды.
