Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Блогтар
ӨЗ ОЙЫМ
Тыныштықбек ақынның қолтаңбасы

Блогтар

15.01.2019
4453

Тыныштықбек ақынның қолтаңбасы

Тыныштықбек ақынның қолтаңбасы

Жуырда Абай музейінде ақын, ҚР Мемлекеттік сыйлығының лауреаты Тыныштықбек Әбдікәкімұлымен кездесу кеші өтті. Осы жиында Т.Әбдікәкімұлына тарих куәгері, абайтанушы Б.Исабаев ақ жол тілеп, ақ батасын берді.

 

«Ақшам хаттары» («Жалын», 1993, Алматы), «Ырауан» («Атамұра», 2000, Алматы), «Алқоңыр дүние» («Фолиант», 2014, Астана), «Бесінші маусым жұпары» («Атамұра», 2017, Алматы) атты жыр жинақтарының авторы ретінде қалың оқырманға танымал ақынның кеші мазмұнды да мағыналы болды. Әлем халықтарына ортақ ежелгі ғарышнамалық қағидалары мен қасиетті ұғымдарды қазақтың ұлттық дүниетанымы арқылы өзінше саралап, сараптауға тырысқан ақынның әр сөзінде астарлы ақиқат, салмақты ой жатыр. 

 

Жиын соңында Т.Әбдікәкімұлы кездесу салтанатын ұйымдастырған музей ұжымына алғысын білдіріп, «Тағзым» кітабына қолтаңбасын қалдырды.


Бөлісу:      
Пікір қалдыру: