Бүгінгі туған күн иесі
Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы

Блогтар

01.08.2017
3935

ЖАНСУСАР

ЖАНСУСАР

 

Сар тамыздың бүгін бесі...

Кеш батқанда күлімдеші, Жалқы Нұр,

Құбыланың түбінен!

Саған арнап ән салады нарт іңір –

Шұғыланың тілімен.

 

Шашып қалсын сәулеңді аспан,

Көшеді әлі дәурен бастан – жаздайғы,

Жетсе күздің ақпары.

Не біледі аққу менен қаз жайлы

Кексе құзғын – кәп-кәрі?..

 

Менің жалғыз қайғыласым –

Жүзі сынық Ай дұғасын оқиды,

Өткен күнге бағыштап.

Сыпсың қағып жел де қырдан көкиді,

Көктем мүлде алыс қап.

 

Алаң болып ғайып-көңіл,

Періштеңе лайықты өмір сүрер ем –

Құрақ ұшып, Жан Еркем!

...Жанарымда – түн баласы түнеген

Тұнады шық таңертең...

 

05.08.2006


Бөлісу:      
Пікір қалдыру: