Сүйем сені — жүрегімде жасырдым,

Айта алмадым, үнсіз ғана бас ұрдым.

Көзімменен жеткізем деп қанша рет,

Сезімімді өз-өзімнен асырдым.

Сен күлесің — менің мұңым білінбес,

Жан айқайым сырт көздерге көрінбес.

Сен үшін мен — жай бір ғана таныспын,

Ал мен үшін сен — өмірлік үмітсің

Күткен күндер, үміт толы түндерім,

Сен деп соққан әрбір нәзік үндерім.

Жауап таппай, қайтып келмес сағыныш,

Жүрегімді жаралаған күндерім.

Сен бақытты — мен соған да ризамын,

Тек өзімді жұбата алмай қиналдым.

Сенсіз өмір сүре алам деп айқайлап ,

Ішімдегі шындығымды жасырдым.

Ұмытайын десем-дағы, ұмытпай,

Әр елестен сенің бейнең құтылмай.

Жауапсыз бір махаббаттың ішінде

Өзімді де, бақытымды. жоғалттым…

Ең ауыры — саған керек болмауым,

Сүйе тұра, сыртта қалып қойғаным.

Жүрек деген сен деп соғып тұрса да,

Сенің оған бір сәт назар салмауың…