***

Хан жайлауда хақ нұрына кенеліп,

Кең далада өсіп-өнген ел едік.

Кешіп келем сол әлемнің шаттығын,

Өсіп келем шапағатқа бөленіп.

Іздей жүріп ізгіліктің нұр-жолын,

Өрге қадам басып келем күнбе-күн.

Арман таудың асқарына шықпасам,

Онда менің бекер өмір сүргенім.

Биік болсам емін-еркін самғаймын,

Биік болса көк пен жерді жалғаймын.

Алаулаған тағдырымның шуағы,

Ән-жырымды Отаныма арнаймын!