«Ауылым – алтын тұғырым» әдеби-онлайн конкурсына шығармаларды қабылдау мерзімі ұзартылды

Құрметті қаламгер! "Ауыл" партиясы мен "Қазконтент" АҚ "Әдебиет порталы" ұйымдастырып жатқан "Ауылым - алтын тұғырым" бәйгесі жайлы маңызды бір жаңалықпен бөліссек. Кеше «Ауылым – алтын тұғырым» әдеби-онлайн конкурсына төрелік етуші қазылар алқасының отырысы өтті. Басқосу барысында қазылар алқасы мүшелері бүгінгі күнге дейін келіп түскен шығармаларды талдап, талқылады.

Сондай-ақ, жер-жердегі қаламгерлер қауымынан байқаудың мерзімін ұзарту жайлы өтініш-тілектер көптеп келуде. Осының нәтижесінде қазылар алқасының шешімімен «Ауылым – алтын тұғырым» әдеби-онлайн конкурсына шығармаларды қабылдау мерзімі 2019 жылдың 15 ақпанына дейін ұзартылды.

Үміткерлер конкурсқа ұсынатын шығармаларын adebiportal.kz порталына онлайн түрде жариялай алады.

Ауыл тақырыбын толғайтын шығармаларыңызбен әдеби байқауда бақтарыңызды сынаңыздар!!!