Ұлттық академиялық кітапхана қоры сирек кездесетін ерекше басылыммен толықты

2018 жылдың соңына қарай Қазақстанның белгілі мемлекет және қоғам қайраткері Әлихан Байменов кітапхана қорына сирек кітап сыйлады. Бұл жануарлар әлемі туралы энциклопедия - «Хаяту Хаяван» - حیاة الحیوان- 14 ғасырда Мысырда белгілі ғалымы Абу Бака Камалуддин Мухаммед ибн Мұса Иса ибн Али араб тіліндегі, "насх" каллиграфиялық жазумен жазған.

1900 жылы энциклопедия Қазанда Императорлық университет баспасында қайта басылған. Осы басылымның бір данасы кітапханаға ұсынылды. Оны қалпына келтіруді Қазақстан Республикасының Ұлттық қолжазбалар мен сирек кітаптар орталығы жүргізді.

Онлайн режимде таңғажайып энциклопедияның тұсаукесері өтті. Көрермендерге кітапты таныстыруда Әлихан Мұхамедиұлы тікелйе эфирде басқа да өзекті мәселелерді көтерді. Қызықты, мазмұнды әңгімелер айтып, көрермендердің барлық сұрақтарына жауап берді.

Әлихан Мұхамедиұлы Байменов - Мемлекет қайраткері, Ұлттық Жаратылыстану Ғылымдары Академиясының мүшесі, Астанадағы мемлекеттік қызмет саласындағы Басқарушы комитеті, «Менеджментті дамыту Қазақстандық қоры» қоғамдық қоры, «Темірқазық» ұлттық сарапшылар Клубының Төрағасы, Дүниежүзілік және Қазақ Тоғызқұмалақ федерациясының Президенті, техника ғылымдарының кандидаты.

Adebiportal.kz