Шоқан Уәлиханов атындағы Көкшетау мемлекеттік университетінде«Әдебиет порталының» таныстырылымы өтті
Бөлісу:
«Әдебиет порталы» интернет-жобасы Шоқан Уәлиханов атындағы Көкшетау мемлекеттік университетінің қазақ филологиясы кафедрасының студенттерімен кездесті. Ғұлама ғалым атындағы білім ордасының ұстаздары мен ғалымдары бізді ерекше ықыласпен қарсы алды.
Портал таныстырылымында болашақ әдебиеттанушылар мен тіл мамандары қазіргі әдебиет әлеміндегі жаңалықтармен, порталда орналасқан электронды кітаптармен, аудиокітаптармен танысып, ақындардың бейнепоэзиясын тамашалады. «Әдебиет порталы» интернет-жобасының оқырмандары порталға онлайн түрде тіркеліп, біздің әдебиет әлеміндегі достарымызға айналды.
Порталда жүргізіліп жатқан қазақ поэзиясындағы мектеп қалыптастырған «Үздік он ақын» жобасы бойынша сауалнама жүргізілді. Көпшілігі бүкіл халықтық махаббатқа ие болған Мұқағали ақынды атап жатты. Қазіргі поэзиямыздың жаңалықтарын қалт жібермейтін жас оқырмандар осы құрметті тізімге ақын Қалқаман Сарин, Танакөз Толқынқызы, Ерлан Жүністерді қосып, ақындардың жырын жатқа оқып берді. Кездесу барысында білім ордасы студенттерінің білімді, жан-жақты екені қуантты. Өздері оқыған әдеби кітаптарымен, алғаш оқыған шығармаларымен бөлісіп, таныстырылым еркін әңгіме түрінде өтті.
adebiportal.kz
Бөлісу: