«Азаттықтың ақ таңы» атты халықаралық мүшәйра жарияланды
Бөлісу:
Қазақстан Республикасы Тәуелсіздігінің 25 жылдық мерейтойына орай "Ауыл" халықтық-демократиялық патриоттар партиясының қолдауымен шетелдегі ақындардың қатысуымен «Азаттықтың ақ таңы» атты халықаралық жыр мүшәйрасы өтеді.
Мүшәйраның мақсаты: Тәуелсіз Қазақстанның бүгінгі келбетін, рухани ұлттық мұрамыз бен елдік-ерлік құндылықтарымызды ұлықтау.
Мүшәйраның шарты: Мүшәйраға 30 жасқа дейінгі ақындар қатыса алады. Мүшәйраға бұрын еш жерде жарияланбаған тәуелсіздік, елдік, ерлік жайындағы еркін тақырыпта жазылған 2 өлең қабылданады.
Үздік үш ақынға ақшалай жүлде беріледі.
Мүшәйраға ұсынылатын шығармалар 2016 жылдың 25 мамырына дейін мына мекен-жайда қабылданады. Тел.: 87786421361 e-mail: domalaykyzy@mail.ru
Мүшәйра жеңімпаздары 2016 жылдың 1 маусым күні, сағат 11:00-де ҚР Ұлттық академиялық кітапханасында өтетін әлемнің әр түкпірінде жүрген қазақ ақындарының ҚР Тәуелсіздігінің 25 жылдығына орай «Азаттығым – ғажап күнім» атты ақындар антологиясының тұсаукесеріне арналған әдеби кешке шақырылып, марапатталады.
Мүшәйра жеңімпаздарының келіп-кету шығыны жіберуші жақтан, ал тамақтану, жатын орны шығындары ұйымдастыру комитеті тарапынан.
adebiportal.kz
Бөлісу: