Астанада ақын Марфуға Бектемірованы еске алу кеші өтеді
Бөлісу:
18.05.2016
5926
Астанадағы ҚР Ұлттық академиялық кітапханасында 20 мамыр күні сағат 15:00-де талантты ақын, қаламы жүйрік журналист, шебер аудармашы МАРФУҒА БЕКТЕМІРОВАНЫ еске алуға арналған «ДАРИҒА ЖЫРДЫҢ ДӘУРЕНІ...» атты әдеби кеш өтеді.
"Ақын болған әйелмін, ақыл қонған анамын,
Бір қолымда өлеңім, бір қолымда бөбегім" - деп жырлаған
талантты ақын Марфуға Бектемірова туралы Несіпбек Айтұлы ағамыз кезінде:
"Марфуғаның бір ерекшелігі - өлеңді күшке салмай, еркін жазатындығы. Оның өлеңдерін оқығанда қиналмай оқисың. Кейбіреулер өлеңді оп-оңай жазыла салатын дүние көргенімен оның әдіс-тәсілдері, амалдары қаншама. Соның бәрін Марфуға шебер меңгерген. Жыр жолы – ауыр да ұзақ жол. Марфуға поэзияның ауыр да ұзақ жолында көңіліне қанат байлап, биіктеп бара жатқан ақын", - деп бағасын берген екен.
Жарқ етіп жанып-өшкен Марфуға ақын енді ортамызда жоқ, өкінішті. Артында жыр кітаптары қалды, ақын атын сөзі өлтірмейді емес пе?! Ендеше, ақынды еске алу кешіне келіңіздер, ағайын!
Бөлісу: