Оралхан Бөкейге арналған мүшәйра жарияланды
Бөлісу:
Жазушы Оралхан Бөкейдің 75 жылдығына орай өтетін
«Үркер ауып барады...»
атты облыстық ақындар мүшайрасының
ЕРЕЖЕСІ
Оралхан Бөкей атындағы орталық қалалық кітапхана 2018 жылдың 26-шы қыркүйегінде Қазақстан Жастар Одағының, Мемлекеттік сыйлықтың иегері, жазушы Оралхан Бөкейдің 75 жылдық мерейтойына орай «Үркер ауып барады...» атты облыстық ақындар мүшайрасын өткізеді.
- Жазушы Оралхан Бөкейдің өмірі мен шығармашылығын халыққа кеңінен насихаттау;
- жас ақындарға қолдау көрсету, ынталандыру, шеберліктерін шыңдау;
- өлке әдебиетін дәріптеу.
Мүшәйраның талаптары мен шарттары:
- мүшәйраға 16-35 жас аралығындағы үміткерлер қатыса алады;
- шығармалар төмендегідей 2 тақырыпта болуы керек:
1. «Үркер ауып барады» (Оралхан Бөкейге арнау)
2. Еркін тақырып
- шығармалар электрондық нұсқада Microsoft Word форматында (14 кегльде (шрифт), жоларасы 1 интервал, Times New Roman қарпімен) ұсынылуы қажет;
- жинақтарда, мерзімді басылымдарда, сайттарда, әлеуметтік желілерде жарияланған, басқа байқауларға ұсынылған және талапқа сай келмейтін шығармалар қабылданбайды;
- қабылданған шығармаларға пікір берілмейді;
- қазылар алқасының алдын-ала іріктеуінен өткен үміткерлер қорытынды шараға қатысады.
Мүшәйраның кезеңдері
- Іріктеу кезеңінде қазылар алқасы барлық қабылданған шығармаларды саралап, ақтық сынға шығатын үміткерлерді іріктейді.
- Ақтық кезеңге іріктеу кезеңінен өткен үміткерлер қатысып, өз шығармаларын мәнерлеп, жатқа оқу арқылы өнерлерін көрсетеді.
Үміткерлердің шығармаларын бағалау кезінде:
- шығарманың идеялық мазмұнына;
- туындының көркемдік сапасына;
- тақырыптың ашылуына.
Мүшәйраға қатысу
Мүшәйраға қатысу үшін үміткерлердің тапсырыстары аты-жөні, жұмыс немесе оқу орны, байланыс телефондары көрсетіле отырып, шығармалары 2018 жылдың 20 қыркүйегіне дейін oralqan.b@mail.ru электронды поштасы бойынша қабылданады.
Оралхан Бөкей атындағы орталық қалалық кітапхана. (Е.П.Славский атындағы Ертіс жағалауы, 22.) Анықтама телефоны: 8 (7232) 250364; 8-705-6241725
Бөлісу: