«Қасиетім – Қарашаңырақ» республикалық жыр мүшәйрасы өтеді
Бөлісу:
11.03.2015
2977
Маңғыстаулықтар «Адай Ата – Отпан тау» тарихи-мәдени кешенінде 2015 жылдың 14 наурызы күні Амал мерекесін Қазақ хандығының 550 жылдығы аясында республикалық деңгейінде атап өтеді.
Осы орайда «Мұңал ата» қоғамдық қоры «Елтану KZ» қоғамдық қорымен бірге «Қасиетім – Қарашаңырақ» атты жазба ақындардың республикалық мүшәйрасын ұйымдастырады.
Мүшәйраның мақсаты:
- Қазақ хандығының 550 жылдығын ұлт болып ұлықтаудың мәні мен бүгінгі таңдағы тарихи маңызын тану;
- Жәнібек пен Керей бастаған хандарымыз армандаған, кешегі Алаш қайраткерлерлі мақсат еткен, бүгінгі тәуелсіз қазақ елінің болашағын айқындайтын «Мәңгілік Ел» идеясын жас ұрпаққа жалаң насихат түрінде емес, көркем шығармалар арқылы насихаттау;
- Қазақ мемлекеттілігін қалыптастыруда Маңғыстау өңірінде өткен жаугершілік кезеңдердегі батыр бабаларымыздың жанкешті ерліктерін суреттеу;
- Отансүйгіш өнегесін жастарға үлгі ету;
Мүшәйраның талаптары:
- Қатысу үшін алдын ала сұраныс жіберген қаламгерлерге бәйгеде басымдық берілетін қосымша тақырыптар хабарланады.
- Мүшәйраға кемінде 3 өлең немесе толғаулар мен дастандар, поэмалар қабылданады. Қатысушылардың жас шамасына шектеу қойылмайды.
- Қазылар алқасының құрамы әдебиет саласында белгілі және танымал қайраткерлерден, әдебиеттанушы ғалымдардан тұрады. Қазылар алқасының шешімі қайта қаралмайды.
- Шығармалар электронды нұсқада (Microsoft Word файлды форматы түрінде (шрифт 12 кегліде), жоларасы 1,5 интервал, Times New Roman қарпі) қабылданады.
(Алыс аймақтағы ақындар үшін Астана қаласы арқылы тегін әуе жолымен келіп-кетуіне мүмкіндік бар).
Жеңімпаздар мен жүлдегерлер заттай және қаржылай сыйлықтармен марапатталады.
Шығармаларды қабылдау уақыты:
Мүшәйраға қатысушылардың шығармалары компьютерде терілген электронды нұсқада 2015 жылдың наурыз айының 10-на дейінeltanukz@mail.ru электронды пошта бойынша қабылданады.
adebiportal.kz
Бөлісу: