«Туған өлке» – пейзаж бен графика тоғысы

Қазақстан Республикасының Ұлттық музейінде Қазақстан Суретшілер одағының мүшесі, ұстаз, ҚР Дизайн академиясының академигі, суретші Байғалиев Төлеуқазы Баяндыұлының «Туған өлке» атты жеке көрмесі өтті.

Т. Байғалиев 1963 жылы Шығыс Қазақстан облысы Шар қаласында дүниеге келген. 1985 жылы Н.К. Крупская атындағы Семей мемлекеттік педагогикалық институтының Көркемсурет және графика факультетін тәмамдаған.

Автор пейзаж, графика, тарихи жанрларда табиғатпен үндесе жұмыс істейтін санаулы суретшілердің бірі.

Өнерпаздың туындылары Семейдегі Невзоровтар үйі мен Абай музейінде, Қырымдағы «Бахшасарай» мұражай-қорығында сақтаулы. Сондай-ақ, жекелеген жұмыстарын Ресей, АҚШ, Германия, Корея, Қытай және Украйна елдеріндегі жеке коллекциялардан кездестіруге болады.

Өздеріңізге суретшінің 100-ге жуық кескіндемелік, графикалық туындысы қойылған атаулы көрмеден фоторепортаж ұсынамыз.