Қайран, біздің Антон Павлович

Небары қырық төрт жыл өмір сүрген, оның жартысын туберкулезбен алысып өткерген Чехов не тындырды?

— Әлем әлі күнге сүйсініп оқитын бес жүзден аса шығарма жазды;

— Туған жері Таганрогта кітапхана ашып, өзінің екі мың кітабын сыйлады;

— Мелиховте тұрған жылдары науқас шаруаларды тегін емдеп, әрқайсысын дәрі-дәрмекпен қамтамасыз етті;

— Ел ішін тырысқақ жайлаған жылдары жалғыз өзі жиырма бес деревняның арасында жүгіріп жүріп дәрігерлік қызмет атқарды – көмекші де, демалыс та жоқ еді;

— Төрт мектеп, қоңырау мұнарасы, өрт сөндірушілер сарайы мен жол салды.

«Мәңгілікке бет алған уақыт із-түссіз кетпеу үшін әрқайсымыздың артымызда мектеп, құдық секілді бірдеңелер қалғаны жақсы», - депті ғой жарықтық Антон Павлович.