2024 жылғы Almaty Writing Residency-ге қатысуға мүмкіндік беретін байқау

Ольга Маркова атындағы Алматы Ашық Әдебиет Мектебінің және америкалық IWP бағдарламасының халықаралық жобасы Орта Азиядағы бірінші жазушылар резиденциясы болып, көптеген басқа әдеби жобаларға бастау берді. 

Биылғы резиденция тақырыбы – «Қазақстандық бірегейлікті іздеудегі нон-фикшен әдебиеті және деректі поэзия».

Нон-фикшен, деректі поэзия, травелог, автофикшен, ғылыми-көпшілік әдебиет, деректі проза жанрларына қалам тартып жүрген қазақтілді және орыстілді қазақстандық авторларды AWR-2024 жұмысына қатысуға шақырамыз.

Байқауға өтінім беру үшін ұсынылып отырған тақырыптардың біріне 6 000 баспа белгіге дейін эссе жазу керек. Word форматындағы эссені, толтырылған өтінімді және автордың жеке куәлігінің көшірмесін 5 ақпанға дейін litshkola@gmail.com  электронды поштасына жолдау қажет. 

Резиденция Алматыдағы «Қазақстан» шипажайында 4-9 наурыз аралығында өтеді. Алматыдан тыс тұратындардың жол жүру шығындарын, барлық қатысушылардың шипажайда тұру шығындарын ұйымдастырушы тарап өз мойнына алады. 

Төрт қазақтілді және төрт орыстілді автор бір апта бойы шығармашылық атмосферада бірлесіп жұмыс істейді. Семинарларға, дөңгелек үстелдерге, көпшілік іс-шараларға қатысады. Барлық іс-шаралар қос тілде ізбе-із аудармамен өтеді. 

Жоба туралы, өткен резиденциялар жайлы сайтымыздан толығырақ оқуға болады: https://litshkola.kz/almaty-writing-residency-24kaz/ 

Төмендегі эссе тақырыптарының бірін таңдап алып, байқауға дайындықтарыңызды бастай беріңіздер. Біраз уақыттан соң біз сіздерді қазылар алқасымен және резиденция бағдарламасымен таныстырамыз. 

Барлық сұрақтар бойынша WhatsApp нөміріне:+7 (777) 124 44 44 (Валерия), и-мейлге (litshkola@gmail.com) хабарласуға болады. 

Үміткерлерге сәттілік тілейміз және өтінімдерін күтеміз! 

Ұсынылып отырған эссе тақырыптары (көлемі – бос орындарды қоса алғанда 6 000 баспа белгіге дейін):

• травелог  – автордың ішкі дүниесінің айнасы: физикалық пен метафизикалық әлеміне саяхат автордың өзін-өзі танудың және ішкі өзгерістерін көрсетудің жолы ретінде.

• автофикшен: мультитілдік әдебиеттегі тұлғаның жеке-дара ерекшеліктерінің және мәдениетке тән белгілердің тоғысуы: автофикшен адамның жеке тәжірибесін және мәдени контекстерді қалай біріктіреді (әсіресе бірдей емес тілдік дәстүрлерде).

• нон-фикшен – шын болмыстың бейнесі: шығарма әсерлі шығу үшін нон-фикшенде фактілер мен жазушылық шеберлік қалай үйлестіріледі. 

• Қазақстан тарихы жазушылар көзімен: әдебиет Қазақстандағы тарихи оқиғалар мен үрдістерді интерпретациялау құралы ретінде.

• деректі поэзия зерттеу мен өнер арасында: деректі поэзия фактілердің дәлдігі мен көркем формасын қалай үйлестіреді.

• деректі проза: өмір – шабыттың қайнар көзі: күнделікті өмір мен адамның жеке тәжірибесі көркем шығармаларға қалай айналады.

• қазақстандық әдебиеттегі тіл және бірегейлік мәселесі: тіл әдебиетте қазақстандық бірегейлікті қалыптастыру мен бейнелеудің негізгі құралы ретінде.

• Қазақстан тарихы мен мәдениетіне әйелдердің көзқарасы: әйел жазушылар өз шығармаларында Қазақстан тарихы мен мәдениетін қалай интерпретациялайды? 

• қазіргі қазақстандық әдебиеттегі экологиялық білімділік: экологиялық мәселелер мен проблемалар қазіргі қазақстандық әдебиетте қандай көрініс тауып отыр?

• қазақстандық нон-фикшен әдебиетіндегі мультимәдениеттілік: Қазақстандағы мәдениеттердің өзара әрекеттестігі нон-фикшен әдебиетінде қалай бейнеленіп отыр?