Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
«Анна Каренина оқулары» өтеді

03.09.2014 1356

«Анна Каренина оқулары» өтеді

cover.jpgҚазан айында әлем бойныша «Анна Каренина оқулары» халықаралық акциясы өтеді. «Ясная Поляна» музейі мен Google компаниясының бірлесуімен өткізілгелі жатқан шара әлем бойынша орыс классикасын сүйетін жандардың басын қосуға арналған.
Жоба нағыз оқу марафоны болмақ. Жоба аясында алғаш рет әлем бойынша әр қаладан Google+ тікелей эфирінде 700 адам 30 сағат бойы Лев Толстойдың «Анна Каренина» романын оқиды. Олардың ішінде  театр және кино актерлері, журналистер, музыканттар, Лев Толстойдың ұрпақтары, суретшілер, ғалымдар, танымал видеоблогерлер және қарапайым интернет қолданушылары бар.
– Үйде Лев Толстойдың өзі балалары мен әйелі жиналып, дауыстап кітап оқып отырған суреті сақталған. XXI ғасырда да осылай жиналып, кітапты оқи отырып бірге әсерленіп, кейіпкерлер үшін бірге қам жеп отырғың келеді. Алайда қазіргі уақытта сенің оқып отырған мәтініңді біреу жалғастырып кетуі үшін міндетті түрде барлығымыз бір жерде жиналып отыруымыз шарт емес. Интернеттің жаңа техникалық мүмкіндіктерінің арқасында оны әлемнің басқа бөлігіндегі адам да жалғастырып кете алады. Әлемнің тамаша туындыларының қатарына кіретін «Анна Каренина» кез-келген адамның жан дүниесінен өз орнын алатынына сенімдімін, – дейді Лев Толстойдың шөпшегі әрі «Каренина оқуларының» ұйымдастырушысы Фекла Толстая.
Оқу марафоны 3-4 қазан айында Мәскеу, Санкт-Петербург, Ясная Поля, Владивосток, Новосибирск, Нью-Йорк, Париж, Лондон сынды қалалардың кітапханаларында арнайы дайындалған алаңдарда өтеді. Оқулар YouTube бейне порталы арқылы онлайн көрсетілетін болады. Ал алдағы уақытта барлық видеолар жинақталып, аталмыш сайтқа жүктеледі.

adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 13 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар