Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитеті Қазақстан Республикасы Тәуелсіздігінің 25 жылдығына орай ағымдағы жылғы 20 мамырда Өскемен қаласында «Түркі жазбалары мен мәдениеті күндерін» атап өтеді.
Іс-шара аясында «Түркі жазба мәдениеті: тарихи тағлым және тәуелсіздік мұраттары» тақырыбындағы республикалық ғылыми-теориялық конференция, жазба ескерткіштердің географиялық, мазмұндық және дәуірлік мәніне арналған лекторий, түркі мәдениеті мен өнеріне арналған концерт ұйымдастырылады деп күтілуде.
Іс-шараға еліміздің барлық аймағынан 30-дан астам түрколог-ғалымдар, Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің өкілдері, облыстық тілдерді дамыту басқармаларының мамандары, жергілікті жердің зиялы қауым өкілдері, жас зерттеуші ғалымдар, БАҚ өкілдері қатысады.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
