Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Әдеби үдеріс
Елордада «Астананың мәдени мәтіні» конференциясы өтті

24.08.2018 911

Елордада «Астананың мәдени мәтіні» конференциясы өтті

23 тамызда ҚР Ұлттық академиялық кітапханасында «Астананың мәдени мәтіні» атты халықаралық ғылыми-танымдық конференциясы өтті.

Елордамыз Астананың 20 жылдық мерейтойына орай Қазақстан Республикасы Ұлттық академиялық кітапханасы 2008 жылы бастауын алған «Астананың мәдени мәтіні» атты конференциясын өткізу дәстүрін жандандыруда.

Көпжоспарлы және пәнаралық тәсілдер конференция жұмысына қатысудың әртүрлі түрлерін болжап көрсетеді:

«Текстология», «Қоғам», «Естелік» сынды пікірталас алаңдарына сәулетшілер, қалалық құрылысшылар, философтар, мәдениеттанушылар, саясаттанушылар, әлеуметтанушылар, тарихшылар, мұрағатшылар, мұражай қызметкерлері, ақындар, жазушылар шақырылды. Талқыланған басты тақырып – қала тұрғындарына қатысты нақты мәселелер мен қала тұрғындарын толғандыратын шынайы сауалдар, қоғамдық кеңістіктерді қайта құру, Астана туралы білім деңгейінің өзгеруі.

Айгерім Қапардың «Баспалдақтар» атты арт жобасы суретшілер мен дизайнерлерді және сәулетшілерді шығармашылық шешімдерді іздестіруге және Қазақстан Республикасы Ұлттық академиялық кітапханасының байланыс әлеуетін дамыту жобаларын әзірлеуге шақырды. Суретшілерге қойылатын талаптар: Қазақстан Республикасының Ұлттық академиялық кітапханасымен Астана қаласының тұрғындары мен қонақтарының бір шешімді қарым-қатынас жүйесі алаңын кеңейту.

Іс-шараға философия ғылымдарының докторы, Л.Н. Гумилев атындағы ЕҰУ-дың философия кафедрасының профессоры Кульшат Медеуова, жазушы, философ, қоғам қайраткері Дидар Амантай, мемлекет тарихы институтының аға ғылыми қызметкері, тарих ғылымдарының кандидаты, профессор Талгатбек Аминов, мемлекет тарихы институтының аға ғылыми қызметкері, тарих ғылымдарының кандидаты, профессор, әлеуметтану ғылымдарының докторы, Кембридж университетінің Полис университетінің ғылыми қызметкері (Ұлыбритания) Диана Құдайбергенова, филология ғылымдарының докторы, профессор Рақымжан Турысбек, жапон архитектор-дизайнер Shin Shokita, суретші, Родиченко атындағы Мәскеу заманауи өнер мектебінің түлегі Ануар Мүсрепов, суретші Асхат Ахмедияров, филология ғылымдарының докторы, профессор Нұрсұлу Шаймерденова қатысты.

adebiportal.kz


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Adebiportal@gmail.com 8(7172) 79 82 12 (ішкі – 112)

Мақала авторының көзқарасы редакцияның көзқарасын білдірмейді.

Көп оқылғандар