«АДЫРНА» ЖУРНАЛЫ ЖАРЫҚҚА ШЫҚТЫ!
Бөлісу:
25.11.2016
4518
Облыс әкімі Бердібек Сапарбаевтың қолдауымен Ақтөбеден «Адырна» атты республикалық әдеби журнал шыға бастады.
Әзірге 2000 данамен тарайтын 240 беттік жаңа журналдың бас редакторы — Мейірхан Ақдәулетұлы. Редактордың айтуына қарағанда, "Адырнаға" тек қана үздік туындылар жарияланатын болады".
Алғашқы нөмірде Дулат Исабековтің сұхбаты, Серік Ақсұңқарұлы, Ертай Ашықбаев, Әділ Ботпанов, Жанна Елеусіз сияқты ақындардың өлеңдері, Светқали Нұржанның «Хан кегі» атты поэмасынан үзінді, Құдияр Біләл мен Аягүл Мантайдың әңгімелері, Таласбек Әсемқұловтың, Мақсат Тәж-Мұраттың, Жұбаназар Асановтың, Бауыржан Бабажанұлының мақалалары еніп отыр. Андрей Вознесенский мен Хуан Рамон Хименестің де өлеңдері қазақша «сөйлеп» тұр.
Айтпақшы 29.11.2016 жылы 15.00-де Алматыда, Жазушылар одағының ғимаратында «Адырнаның» тұсаукесері болады. Ақын-жазушыларды, БАҚ өкілдерін, студенттерді һәм барша тілеулес жандарды сол кешке шақырамыз! Келіңіздер!
adebiportal.kz
Бөлісу: