Ауылға кітап акциясы: кітаптан үлкен сыйлық жоқ
Бөлісу:
14 ақпан – Халықаралық кітап сыйлау күні. Бұл мерекенің басты мақсаты – адамзатты кітап оқуға шақыру, адамзаттың ұлы құндылығы болған кітап оқу мәдениетін қалыптастыру. Мереке аясында Астанадағы Ұлттық академиялық кітапхана Түркістан облысы әкімдігінің бастамасы - «Алтын қорға үлес қос: Ауыл кітапханаларына 20000 кітап» акциясын қолдай отырып, «Ауылға кітап» акциясын жариялаған болатын. Бүгін атаулы мерекеге орай Ұлттық академиялық кітапхананың төріне қаламгерлер мен қалың оқырман қауымы жиналды. Жиналған зиялы қауым «Ауылға кітап» акциясына белсене қатысып, өздерінің жеке кітапханасындағы кітаптары мен авторлық еңбектерін кітапхана ұжымына тапсырды. Қаламгерлер мен оқырмандар тарабынан Алтын қорға жиналған кітаптар Түркістан облысындағы ауыл кітапханаларына тапсырылатын болады. Оқырмандарға Ұлттық академиялық кітапханада өткен «Ауылға кітап» акциясынан арнайы фоторепортаж ұсынамыз.
Бөлісу: