2023 жылы 25 ақпан сағат 13:30-да ақын, әдебиеттанушы Асан Ақеркемен әдеби сұхбат және автордың «Айша бибі» жыр жинағының тұсаукесері өтеді.
Асан Ақерке – ақын, әдебиеттанушы, Л.Н. Гумилев атындағы ЕҰУ Орыс филологиясы кафедрасының аға оқытушысы. 2016 жылы Санкт-Петербург мемлекеттік университетінде әдебиеттану мамандығы бойынша магистрлік білім алған. Қазір докторант. Мемлекеттік тапсырыспен жарық көрген «Ақзер», «Айша бибі» жыр жинақтарының авторы.
Асан Ақеркенің өлеңдері, әдебиеттану, әдеби сын бағытында жазған мақалалары, сұхбаттары мен ғылыми мақалалары республикалық және халықаралық басылымдар мен сайттарда жарияланып келеді.
2022 жылы «Жаңа қазақ әдебиеті» сериясымен жарыққа шыққан «Айша бибі» жыр жинағы еліміздің барлық кітапханаларына таратылды. Кітапта ақынның махаббат, жастық сезім сипатында жазылған лирикалық жырларымен қатар тарихи тұлғаларға арналған ой-толғамдары поэзия тілімен өрнектелген.
