Неміс әдебиеті: Нобель сыйлығының лауреаттары
Бөлісу:
15.06.2015
11305
Ежелгі неміс әдебиеті VIII ғасырда пайда болғаннан бастап күні бүгінге дейін әлем әдебиетінің дамуына өзіндік үлесін қосып келеді.
Неміс әдебиетінің алғашқы көрнекті өкілдері – И.В. Гете мен И.Ф. Шиллер.
Иоганн Вольфганг Гете – неміс әдебиетінің негізін қалаушы, Ол бір ғана «Фауст» трагедиясында өмір проблемаларын философиялық түсіндіруге тырысты.
Иоганн Фридрих Шиллер – ақын, драматург, «Дон Карлос», «Мария Стюарт» трагедияларының, «Вильгельм Телль» драмасының авторы. Халықаралық сыйлықтардың ішіндегі ең беделдісі – Нобель сыйлығын әдебиет аталымы бойынша иеленген неміс ақын-жазушыларын назарларыңызға ұсынамыз.
Пауль Йоханн Людвиг фон Хейзе – неміс ақыны, прозашы, новеллашы. Әдебиет аталымы бойынша 1910 жылғы Нобель сыйлығының иегері. Авторға айтулы сыйлық әлемге танымал новеллалардың авторы атануы жолындағы әсемдігі, идеализмі үшін берілген.
Томас Манн – неміс жазушы-романшысы. Эсселері Л.Н.Толстой, 3.Фрейд, И.В.Гёте, Ф.Ницше, А.П.Чехов Және Ф.Шиллер сияқты тұлғаларға арналған. 1929 жылы әдебит бойынша Нобель сыйлығына ие болды. Атаққа ие болған "Будденброки" романы үшін қазіргі кезде әлем классикасының атағына ие болған.
Герман Гессе – неміс-швейцар жазушысы. Бірінші дүниежүзілік соғыстың қатыгездіктерін әшкерелеген, фашизмге дәйекті қарсы болып, екінші дүниежүзілік соғыстан кейін бейбіт әлем мәдениетін негіздеу жолында қыруар қызмет атқарған. Жазушыға Нобель сыйлығы гуманизмде байқалатын классикалық мұратқа ие шығармалары үшін берілген.
Нелли Закс – неміс ақын әйелі. Нобель сыйлығы 1966 жылы авторға үздік лирикалық және драмалық шығармаларында еврей халқының тұрмысын сипаттағаны үшін берілген.
Генрих Белль – неміс жазушысы. неміс жазушысы, аудармашы, 1972 жылғы Нобель сыйлығының иегері. Екінші дүниежүзілік соғысқа қатысқан. Оның шығармалары 1947 жылдан бастап жарық көреді. Алғашқы шығармаларының қатарына «Пойыз уақытылы келеді» (1949) атты повесі, «Жиһангез, Спа-ға қашан келесің» (1950) атты әңгімелер жинағы және «Адам, сен қайда болдың?» (1951, орысша аудармасы 1962) атты романы жатады. 1950 жылы «Топ 47» атты топтың мүшесі болады. 1967 жылы Георг Бюхнер атындағы сыйлықтың иегері атанады. Берлин қаласында оған арнап тұрғызылған ескерткіш бар.
Гюнтер Грасс – неміс жазушысы. 1999 жылы Нобель сыйлығының иегері атанады. Оның тұңғыш романы «Қаңылтыр дабыл» деген атпен жарық көреді. Осы романы үшін «Топ 47» атындағы сыйлыққа ие болады. Романның желісімен 1979 жылы режиссёр Фолькер Шлёндорф фильм түсіреді. Бұл фильм Канн кинофестивалінде басты сыйлыққа ие болады, сондай-ақ үздік шетелдік фильм ретінде «Оскар» сыйлығын алады. «Мысық пен тышқан» атты екінші романы екінші дүниежүзілік соғысты бейнелеген.
Герта Мюллер – неміс жазушы әйелі. 1953 жылы Румынияның неміс тілді қаласында дүниеге келген. Германия жазушысы 2009 жылғы әдебиет саласындағы Нобель сыйлығын жеңіп алды. Ең жарқын туындыларының бірі "Everything I possess I carry with me" деп аталады.
adebiportal.kz
Бөлісу: