Бүгін Қазақстан Республикасының Ұлттық академиялық кітапханасында Абай күніне орай «Адамзаттың Абайы» атты рухани іс-шарасы өтті. Шараның басты мақсаты ұлы ойшылдың тұлғасы мен мұрасын ұлықтау. Абай – ұлт ұстазы, қазақтың адастырмас темірқазығы. Мемлекет басшысы Қ.К.Тоқаев өз мақаласында Абайды рухани өміріміздің темірқазығы ретінде қабылдауға шақырып, мол мұрасының ұлт болып бірлесуімізге, ел болып дамуымызға тигізер пайдасы зор екеніне аса мән беріп, ақын сөздерінің бүгінгі заманда да өзектілігіне жұртшылықтың назарын аударғаны белгілі.
Іс-шара аясында "Абай - тұтас бір әлем" атты кітап көрмесі, жазушы Қалибек Алтыбаевтың «Абай әлеміне саяхат» кітабының таныстырылымы, «Абайтанудың заманауи дамуы жайында» атты ғылыми дәріс, «Бала Абай» атты сторителлинг, «Абай өлеңдері әлем тілдерінде» атты шет тілдерінде ақынның өлеңдерін оқу шаралары өтті. Сонымен қатар шарада қазақтың қасиетті қазынасы- Абай мұрасы жан-жақты насихатталып, Абай әндері әуеледі.
Әдеби шараға белгілі қоғам және мемлекет қайраткерлері, Абайтанушы ғалымдар, ақын-жазушылар, БАҚ өкілдері, Қазақстандағы дипломатиялық елшіліктер өкілдері, кітапханашылар, оқырмандар қатысты. Абай күнінің мерейіне орай, порталымыз бүгінгі іс-шарадан шағын фоторепортаж ұсынып отыр.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
