Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Әдеби үдеріс
ӨЗ СӨЗІМ
Бернард Шоу. Билік адамды бұзбайды, сондағы ақымақ...

26.07.2019 6698

Бернард Шоу. Билік адамды бұзбайды, сондағы ақымақтар билікті бұзады 16+

Бернард Шоу. Билік адамды бұзбайды, сондағы ақымақтар билікті бұзады - adebiportal.kz

Сізде бір алма, менде де бір алма бар делік. Егер біз сол алмамызды ауыссақ, онда сізде де, менде де бір-бір алмадан қалады. Ал егер сізде бір идея, менде де бір идея болып, біз оны өзара алмассақ, онда әрқайсымызда екі-екі идеядан болады.

***

Жалған ілім надандықтан да қауіпті.

***

Кештен еш жақсы.

***

Әлемді жастар билейді – қартайғанда.

***

Сән – ырыққа көнетін індет.

***

Үндемеу – ең үлкен құрмет.

***

Адам – кірпіш тәрізді: күйген сайын қатая түседі.

***

Шайқасты суқаным сүймейді, ал жеңісті жақсы көрем.

***

Мен бақыттымын, өйткені бақытсыз екенімді ойлауға менде еш мұрша жоқ.

***

Ақымақ қана ажалының жақындай түскенін тойлайды.

***

Оқу Дон Кихотты рыцарь етті, бірақ оқығанына иланып – жынды боп қалды.

***

– Тарих не дейді?

– Тарих сол баяғы, өтірігін соғады.

***

Биге шақыру – көлденең қалауыңды қиғаштай жеткізу.

***

Қаланы алғанмен, халықтың көңілін жаулай алмайсың.

***

Ұлы шындықтар әуел баста қорлау болатын.

***

Оқымысты – уақытты жұмыспен өлтіретін жалқау.

***

Мекен-жайсыз адам – күдікті адам, ал екі мекен-жайы бары – болса-болмаса...

***

Шынайы өмірді романтикалық сарында түсіндіретін адам – үміті үзілген адам.

***

Сыншылар да басқалар секілді, көз алдындағыны емес, іздегенін көреді.

***

Стиль де мұрын секілді: бірінікі біріне ұқсай бермейді.

***

Неке – гүлге қол соза берген қыз бен жігіттің басына түскен көшкін.

***

Сен оған аспанда 978301246569987 жұлдыз барын айтшы: бірден сенеді. Ал егер орындықты жаңа ғана сырлап қойғанын айтсаң – міндетті түрде ұстап көреді.

***

Кейде дар ағашынан сытылып кету үшін, әңгіменің аяғын әзілге айналдырып жіберуге тура келеді.

***

Менің күлдіру әдісім – шындықты айту. Дүниеде одан күлкілі ештеңе жоқ.

***

Кішкентай адамдардың арасында да, ұлылардың арасында да ұлы адамдар бар.

***

Қырыққа дейін ғашық болмаған адам, одан кейін де әуре болмай-ақ қойғаны абзал.

***

Күнәнің ауыры - жек көру емес, мән бермеу.

***

Еркектің адалдығы – жолбарыстың торы секілді. Ол оның табиғатына жат нәрсе.

***

Қорқыныштың құлы болу – құлдықтың ең сорақысы.

***

Қолынан келетіндер істейді, келмейтіндер – үйретеді.

***

Түн кәріге тыныштық, жасқа үміт сыйлайды.

***

Қысқасы, билік адамды бұзбайды, сондағы ақымақтар билікті бұзады.

***

Егер адам жолбарысты өлтірсе – спорт, жолбарыс адамды өлтірсе – қанішерлік.

***

Сара Бернар ұлы актрисаның рөлін ғаламат сомдайды.

***

Достықта да, махаббатта да есеп айырысатын күн туады.

***

Ұлттық галереяда өрт шықса, мен қай картинаны құтқарар едім? Әрине шығар есікке жақын тұрғанын.

***

Құдай әлемді жаратқан соң, бұным жақсы болды деді. Қазір не айтар еді?

***

Ақылды адам әлемнің ыңғайына қарайды; ақымақ – әлемді өзіне ыңғайлағысы келеді. Сондықтан да прогресс ақымақ адамдарға тәуелді.

***

«Қош болды» отыз сөзге сыйдыра алатын әйел кемде кем.

***

Сұлулық та ізгілік секілді – үш күннен кейін жалыға бастайсың.

***

Нобель сыйлығы – жағаға аман-есен жүзіп шыққан кісіге лақтырған құтқару шары секілді.

Орыс тілінен аударған Нұрлан Қабдайұлы


Біздің Telegram-парақшамызға жазылыңыздар! Бізбен бірге болыңыз!


Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)

Мақала авторының көзқарасы редакцияның көзқарасын білдірмейді.


Көп оқылғандар