"Абай" сыйлығы табыс етілді

Ақын, Халықаралық «Алаш» әдеби сыйлығының иегері Ғалым Жайлыбай "РУХ" меценаттар клубы тағайындаған «Абай» сыйлығының тұңғыш иегері болды. 

Бұл сыйлықты «Хұснихат» әдебиетті қолдау қоры ұйымдастырған «Бір өлең, бір әуен» атты әдеби-сазды кеште М.О.Әуезов атындағы Әдебиет және өнер институтының директоры, ҚР Ұлттық Ғылым академиясының корроспондент мүшесі Уәлихан Қалижан табыстады. 

Бұл сыйлық сонымен қатар Абайдың өлеңдері мен қара сөздерін, Мұхтар Әуезовтың шығармаларын қытай тіліне аударған Сібе ұлтының жазушысы Ха Хуанчжанға да табыс етілді. Қазақ әдебиетіне сүбелі еңбек сіңіріп жүрген қос қаламгерді шын жүректен құттықтаймыз! 

adebiportal.kz