Қазақтың бір топ ақын-жазушылары Халықаралық «Алаш» сыйлығын алды

Тамыздың 25-күні Қазақстан Жазушылар одағы секретариаты шешімімен еліміздің бірқатар ақын-жазушыларына Халықаралық «Алаш» әдеби сыйлығы берілді.

Атап айтар болсақ, мұндай мәртебелі марапатқа «Алапа» өлеңдер жинағы үшін Қорғанбек Аманжолов, «Айтамғы» өлеңдер жинағы үшін Жанат Әскербекқызы, «Междуречье» аударма кітабы үшін Қайрат Бақбергенов, «Сен және мен» өлеңдер жинағы үшін Арман Қани, «Мизам шуақ» өлеңдер жинағы үшін Нұрлан Қалқа, «Жанқожа Нұрмұхаммедұлы» романы үшін Молдахмет Қаназ, «Қағбаның қарлығаштары» өлеңдер жинағы үшін Өтеген Оралбаев, «Сағым қуғандар», «Әйел махаббаты» пьессалары үшін Жұмагүл Солтиева, «Әдебиетті насихаттаудағы еңбектері үшін» Әдібай Табылдиев, Рахым Балабиев, Сұлтан Оразалинов, Қуанышбай Құрманғали лайық деп табылды.

«Әдебиет порталы» сыйлық иегерлерін құттықтай отырып, шығармашылық табыс тілейді!