Өрелі өмір өнегесі
Бөлісу:
Кітапта Қазақстан Республикасының Тұңғыш Президенті Нұрсұлтан Әбішұлы Назарбаевтың балалық шағынан бастап Ұлт Көшбасшысы болған кезіне дейінгі өмірі мен еңбек жолдары баяндалады. Оны, сондай-ақ, Елбасымыздың осы кезге дейінгі өмірі мен қызметінің ең маңызды кезеңдері ресми әрі мейлінше жүйелі де толық баяндалған туынды деп атауға болады.
Еңбек жолын қарапайым жұмысшы болып бастап, ұдайы оқып, тынбай ізденіп, өзін өзі жетілдірудің арқасында Тәуелсіз Қазақстан Республикасының Тұңғыш Президенті жоғары мәртебелі қызмет лауазымына ие болып, бүгінде аты әлемге танымал саяси қайраткердің деңгейіне көтерілген Елбасымыз Нұрсұлтан Әбішұлы Назарбаевтың ғибратты өмір жолы кім-кімді де қызықтырмай да, таңдандырмай да қоймайды. Мұның өзі әсіресе болашақ өмір жолын, еңбек жолын айқындауды ойланып жүрген жасөспірімдеріміз бен жастарымыз үшін жақсы үлгі-өнеге екені анық.
Сондықтан, Қазақ радиосы сол «Нұрсұлтан Назарбаев. Өмірбаян» деп аталатын кітаптан «Өрелі өмір өнегесі» айдары бойынша хабарлар циклын бастап, тыңдармандардың назарларына ұсына бастады. Жоба жетекшісі Махмұт Қасымбеков, ал жауапты редакторлары Махат Садық пен Серік Сейітман. Хабарлар циклы қараша айының басынан бастап, күн сайын эфирге жол тартып, бірінші желтоқсанға дейін жалғасады.
Эфирден берілетін уақыты: Қазақ радиосында 13:35-те және қайталауы 19.02-де, ал «Шалқар» ұлттық арнасында 09.30-да және 22.10-да.
Қайнар көз: www.baq.kz порталы
Бөлісу: