Махмұт Абдрахманов

Махмұт Абдрахманов 1934 жылы 20 шілдеде Алматы облысы, Еңбекшіқазақ ауданы, Ташкенсаз ауылында туған. 1958 жылы Қазақ мемлекеттік университетінің филология факультетін бітірген. Ұйғыр тіліндегі «Коммунизм туғи» газетінде әдеби қызметкер, Қазақ КСР Ғылым академиясының Ұйғыртану бөлімінде аға ғылыми қызметкер болып істеген. 1983 жылдан Абай атындағы Қазақ ұлттық педагогикалық университетінде ұзтаздық етіп келеді.

Филология ғылымдарының докторы, профессор, Қазақстан ұйғыр әдебиетітарихы авторларының бірі. Оның ұйғыр, қазақ және орыс тілдерінде, әр түрлі басылымдарда жарияланған 200ден астам мақалаларында ұйғыр ақын, жазушыларының шығармашылық жолы, ұлт әдебиетінің даму ерекшеліктері, әдеби байланыстар зерделенген.

Бірнеше өлеңдер жинағының авторы. Ол Абай, Пушкин, Р.Ғамзатов, Х.Ерғалиев, Қ.Мырза Әли, Т.Молдағалиев, т.б. өлеңдерін ұйғыр тіліне аударған. Өз өлеңдері қазақ және орыс тілдерінде жарық көрген.

М.Абдрахманов – орта мектепке арналған әдебиет бағдарламаларының және оқулықтары авторларының бірі.

Шығармалары мен еңбектері: Жүрек жырлары. Өлеңдер. «Жазушы», 1967; Ұйғыр совет әдебиеті тарихы. «Ғылым», 1967; Өрлеу үстінде. Әдебисыни мақалалар. «Жазушы», 1977; Белестер. Өлеңдер. «Жазушы», 1983; Адымдар. Өлеңдер. «Жазушы», 1984; Ұйғыр совет әдебиетінің тарихы. «Ғылым», 1986; Жылдар жаңғырығы. Мақалалар мен өлеңдер. Чонжа, 1999; Түйіндер. Өлеңдер мен мақалалар. «Білім», 2004; Шеберлік шыңына ұмтылып. «Мир», 2009; Ұйғыр әдебиеті. Оқулық пен хрестоматия, 8 сынып үшін. «Мектеп», 2000; Ұйғыр әдебиеті. Оқулық пен хрестоматия, 10 сынып үшін. «Мектеп», 2003.