Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Авторлар
Е
Ермек Аманшаев

Ермек Аманшаев

Ермек Аманшаев - 1963 жылы дүниеге келген, Маңғыстау түлегі.  Белгілі драматург, жазушы, әдебиет зерттеушісі, эссеист.

1963 жылы 12 наурызда Маңғыстау облысы, Құрық ауылында дүниеге келген. 1985 жылы Киров атындағы Қазақ мемлекеттік университетін филология мамандығы бойынша бітірген. 1985–95 жылдары Орталық мемлекеттік мұражайында ғылыми қызметкер, «Қазақ Совет энциклопедиясында» ғылыми редактор, «Жалын» журналында жауапты хатшы, әл-Фараби атындағы ҚазМУ-да аға оқытушы болған.1991 жылы М.Әуезов атындағы академиялық драма театрда қойылған «Үзілген бесік жыры» атты алғашқы қойылымы оған үлкен табыс алып келді. Осылайша, Амантаев сол жылдары академиялық театр сахнасында қойылған қойылымның ең жас авторы атанды. Ол 10-нан аса ғылыми еңбектің, 2 кітаптың авторы: «Албасты туралы аныз», «Үзілген бесік жыры» (1991 ж. Мәскеу қаласы Халықаралық жас драматургтер фестивалінің лауреаты), «Қыр астындағы сол ғажайып әлем» және т.б.  Сондай-ақ, М.Әуезов жайлы шығармасы ҚР Мемлекеттік сыйлығына ұынылды. Оның пьессалары М.Әуезов атындағы академиялық драма театрда, М.Лермонтов атындағы орыс драма театрында, Ғ.Мүсірепов атындағы балалар мен жасөспірімдер театрында сахналанды.  

Қазақстан Жазушылар Одағының, Кинематографистер Одағының, Театр қайраткерлері Одағының мүшесі. Қазақстан Республикасының еңбек сіңірген қайраткері, «Құрмет» орденінің иегері, Қазақстан Жастар Одағы сыйлығының лауреаты.

«Үзілген бесік жыры», «Сұлтан болсам, егер мен» (аударма, С.Ваннус), «Құбылыс» (Ф.Кафка бойынша), «Жынойнақ» (Д.Кобурн, аударма, өзі режиссер ретінде сахналады) атты шығармалары М.О.Әуезов атындағы Қазақтың академиялық драма театрында, «Қыр астындағы сол бір ғажайып әлем», «Балкон» атты пьесалары Ғ.М.Мүсірепов атындағы Қазақ Мемлекеттік Жастар театрында, «Балкон» пьесасы М.Лермонтов атындағы Мемлекеттік орыс драма театрында, «Жұлдыздарда бір сыр бар» драмасы бірқатар облыстық театрларда қойылған. М.Әуезовке, Абайға арналған бірнеше деректі фильмдердің сценарий авторы.

«Параллель әлемдер» (жинақтағы «Балкон» кинохикаяты) атты фильмнің (Ресей) қоюшы-режиссері, сценарий авторы.

Жастар одағы сыйлығының лауреаты (1992)
Филология ғылымдарының кандидаты.

Мәдениет комитетінің төрағасы, Қазақстан Республикасы Мәдениет, ақпарат және қоғамдық келісім министрлігінің вице-министрі болып жұмыс істеді (2002-2003); ҚР мәдениетінің вице-министрі (2003-2004); ҚР Ақпарат және спорт министрлігінің вице-министрі (2004-2006). 2008 жылдан бері  Ш.Айманов атындағы «Қазақфильм» киностудиясының  президенті. Қазақстан жазушылар одағының және кинематографистер одағының мүшесі (2009). «Қазақстан Республикасының еңбек сіңірген қайраткері» мемлекеттік атағымен марапатталған. 

Режиссер:

  • 2013 – Параллель әлемдер / Параллельные миры (Қазақстан, Ресей)
  • 2013 - Параллель әлемдер / Параллельные миры (Қазақстан, Ресей)
  • 2014 – Елестерді аулау / Охота за призраком (Қазақстан)
  • 2013 – Көшбасшы жолы. Өтты өзен. Темір тау. / Путь лидера. Огненная река. Железная гора | Көшбасшы жолы (Қазақстан)
  • 2011 – Жоюшы / Ликвидатор (Қазақстан)
  • 2011 - Жерұйық |  Земля обетованная (Қазақстан)
  • 2010 - Трубадур (Қазақстан, Ресей)
  • 2010 – Қызғылт қоян туралы ертегі / Сказ о розовом зайце (Қазақстан)
  • 2010 – Серпіліс / Рывок (Қазақстан)
  • 2010 –Махаббат тәлкегі /  Ирония любви / Соблазнить неудачника (Қазақстан, Ресей)
  • 2009 – Афалиннің секірісі / Прыжок Афалины (Қазақстан)
  • 2009 – Сіз кімсіз, Ка мырза? / Кто вы, Господин Ка? (Қазақстан, Ресей)
  • 2009 – Арман қала /Город мечты (Қазақстан)
  • 2010 –Астана-махаббатым менің / Астана, любовь моя (телехикая, 12 бөлім)
     

Көп оқылғандар