Маршал Әбдіхалықов

Маршал Әбдіхалықов (1936–1990) - 26 шілдеде Маңғыстау облысы (бұрынғы Адай уезі), Форт Шевченко қаласында туған.

1959 жылы Қазақ мемлекеттік университетінің филология факультетін бітірген. Содан кейін өзінің туған өлкесіндегі мектептерде, Т.Шевченконың әдебимемориальды мұражайында, аудандық газетте, «Лениншіл жас» (қазіргі «Жас Алаш») газетінде, «Қазақстан әйелдері» журналында «Қазақфильм» киностудиясында, «Жұлдыз» журналында еңбек етті.

Автордың алғашқы «Нәрсіз гүл» деген әңгімесі «Әдебиет және искусство» («Жұлдыз») журналында (1955), «Отызмыңыншы» деп аталатын алғашқы кітапшасы «Қайнар» баспасынан (1965), «Маңғыстау хикаялары» деген кітабы (1967) «Қазақстан» баспасынан жарық көрді. «Сүйінқара» атты тарихи романы «Жұлдыз» журналында (1981) жарияланды.

1981 жылы «Асыл жандар» атты пьесасын Атырау облыстық музыкалы драма театры сахналады. Маңғыстау облысы, Түпқарағай ауданы, Ақшұңқыр ауылындағы орта мектепке жазушының аты берілген және мұражайы бар.

Шығармалары: Ленин тапсырмасы. Повесть (1981 жылы – орыс, 1982 жылы украин тілдерінде жарияланды). А., 1967; Желаяқ бала. Повесть. А., «Жазушы», 1969; Алыстағы Маңғыстауда. Повесть. А., «Жазушы», 1971; Қара тасқын. Повесть. А., «Жазушы», 1975; Мұнайшылар қаласы. Суретті кітапша. А., «Жалын», 1977; Жердің асты жеті қат. Роман. А.., «Жазушы», 1978