Саттар Сейтхазин (1927–1999) 12 қаңтарда Көкшетау облысы, Көкшетау ауданы, Қарасай деген ауылда дүниеге келген. Қарағанды қаласындағы оқытушылар институтын тамамдаған. 1947–1951 жж. Көкшетау облысындағы орта мектептерде қазақ тілі мен әдебиеті пәндерінен сабақ беріп, ұстаздық еткен. 1951 жылы Алматыға келіп, «Мектеп» баспасында редактор, аға редактор, Қазақ КСР Жазушылар одағының кеңесшісі, Қарағанды телевидениесінде аға редактор, Қазақ телевидениесінің саяси хабарлар редакциясының аға және бас редакторы, «Жазушы» баспасында аға редактор болған.
«Тарих» атты алғашқы өлеңі 1947 жылы «Советтік Қарағанды» газетінде жарық көрген.
Көптеген өлеңдері орыс, алтай, қарақалпақ, поляк, т.б. тілдерге аударылған. Аудармашы ретінде А.Адаровтың, С.Даниловтың, Н.Дамдиновтың, басқа да көптеген ақындардың өлең-жырларын қазақшалап, жеке кітап етіп шығарған.
Шығармалары: Жүрек сыйы. Өлеңдер. А., ҚМКӘБ, 1953; Алғашқы сапар. Поэма. А., ҚМКӘБ, 1955; Беркуты. Поэма и стихи. М., «Молодая гвардия», 1958; Хадиша. Повесть. «Жазушы», 1973; Тереңдегі теңіздер. Өлеңдер. А., «Жазушы», 1974; Қоңыр жел. Өлеңдер мен поэмалар. «Жазушы», 1983; Аққу тамақ. Өлеңдер мен поэма. А., «Жазушы», 1984; Кең жазира. Өлеңдер мен поэмалар. А., «Жазушы», 1986; Оқ-жетпес. Өлеңдер. А., «Жазушы», 1999.
