Камал Смайылов
(24.4.1932, Қарағанды облысы Ұлытау ауданы Сарлық ауылы – 25.6.2003, Алматы) – жазушы-публицист, мемлекет қайраткері, кинотанушы, өнертану ғылымдарының кандидаты (1975), профессор (2000]). 1954 жылы қазіргі Әл-Фараби атындағы Қазақ Ұлттық университетінің журналистика факультетін бітірген.
Еңбек жолын 1954 жылы “Лениншіл жас” (қазіргі “Жас алаш”) газетінің редакциясында бастаған.
“Білім және еңбек” журналының тұңғыш редакторы (1960 – 1962), Қазақстан комсомолы ОК-нің идеология жөніндегі хатшысы (1971 – 1973), ҚазКСР мемлекеттік кино комитетінің төрағасы (1973 – 1977), Республика Министрлер кеңесі мәдениет бөлімінің меңгерушісі (1977 – 1980), ІКСР мемлекеттік телерадио комитеті төрағасының орынбасары, төрағасы (1980 – 1986), Қазақстан КП ОК мәдениет бөлімінің меңгерушісі (1986 – 1988), “Парасат”, “Қазақстан коммунисі” (“Ақиқат”) журналдарының бас редакторы (1988 – 1993), Қазақстан журналистер одағы басқармасының төрағасы (1993 – 1996) сияқты жауапты қызметтерді атқарды. Ол Т.Жүргенов атындағы Қазақ ұлттық өнер академиясының доценті, профессор. Кино теориясы мен тарих кафедрасының меңгерушісі болды (1996 – 2003).
К.С.Смайылов 9 – 11-шақырылған Қазақ КСР Жоғарғы Кеңесінің, 12-шақырылған ҚР-ның халық депутаты болып сайланды.
Ол Қазақстан киноөнерінің алтын қазынасына айналған “Қыз Жібек”, “Атаманның ақыры” кинофильмдерін түсіруге бірден-бір жебеуші болды.
Смайылов басқарған тұста Қазақфильм киностудиясы “Әкелер жері”, “Ән қанатында”, “Артымызда Москва”, “Тақиялы періште”, “Қараш-қараш оқиғасы”, “Мәншүк туралы ән”, “Шоқ пен шер”, “Көксерек”, “Транссібір экспресі”, т.б. көркем фильмдері түсіріліп, тұңғыш қазақ мультфильмі жарыққа шықты.
К.С.Смайылов қазақ теледидарында көп сериялы “Қазақстан Ұлы Отан соғысы жылдарында” фильмін өмірге әкелді.
К.С.Смайыловтың қаламынан 15 публицистік-танымдық кітап дүниеге келді, өзекті мәселелерді көтерген 350-ден астам көркем очерктері мен мақалалары жарық көрді.
К.Смайыловтың еңбектері:
- «Сенің бақытың» (1960)
- «Жолданбаған 27 хат» (1992)
- «Елім саған айтам, ел басы, сен тыңда!» (1998)
- «Жеті қыр бір сыр» (2000)
- Үш томдық шығармалар жинағы (2003 - 2004)
Көп оқылғандар
Оралхан Бөкей: «Әттең, Терісаққанға Есіл құйса ғой…»
Абыройлы ақын, ардақты ана...
Қазақ әке - қандай әке?
Ұлан Қабыл: «Режиссура — жанның тыныштығы емес...»
Жыраулар поэзиясындағы жер-су атаулары
Базарбай Алтаев. Бір сәт және бүкіл ғұмыр...
Маржан Ершу. Маңғыстау. Рысалы батыр
АҚШ-та Бекзат жайлы кітаптың тұсаукесері өтті
Тұспалды тұлға
Әдебиетіміздегі әкелер образы
Елена Клепикова, Ксения Земскова. Карантиндік кішкентайлар
Жаңа уақыт жазушысы
Камал Әлпейісова. Атыңды ұмытпа, ұлым!
Жібек Болтанова. Сөнбейтін жұлдыз
Оралхан Бөкей: «Әттең, Терісаққанға Есіл құйса ғой…»
Ұлан Қабыл: «Грушені өлтіру – мен үшін ең ауыр шешім болды»
Әулеттің ендігі иесі – «смартфон-ұрпақ»
Атырау өңіріндегі жыршылық дәстүр
Асылбек Ықсан. Британ мысығы
Абыройлы ақын, ардақты ана...
Бала тәрбиесі: кеше, бүгін, ертең...
Ораз Исаев әдебиетке қалай қамқорлық жасады?
Әлия Бөпежанова: «Арамызда жаңа заманның қаһармандары жүр»
Қазақ әке - қандай әке?