Жақан Смақов (1932–1975) Бұрынғы Жезқазған облысы, Жаңаарқа ауданындағы Ынталы деген жерде дүниеге келген. Қазақ мемлекеттік университеті филология факультетінің журналистика бөлімін бітірген соң, «Советтік Жетісу» (қазіргі «Жетісу»), «Қазақстан пионері» (қазіргі «Ұлан») газеттерінің бөлім меңгерушісі, Қазақ телевизиясында редактор болып істеді.
Ақының алғашқы өлеңі «Пионер» журналында жарық көрді.
Шығармалары: Сәбилерге сәлемдеме. Өлеңдер. А., ҚМКӘБ, 1959; Қаз-қаз бас. Өлеңдер. А., ҚМКӘБ, 1960; Біздің атай Түсекең, қартаймайтын кісі екен. А., ҚМКӘБ, 1961; Күлдірген. Өлеңдер. А., ҚМКӘБ, 1962; Сылдырмақ. Өлеңдер. А., ҚМКӘБ, 1963; Жүз бір жұмбақ. Жұмбақтар. А., ҚМКӘБ, 1964; Бақ-бақ. Өлеңдер. А., «Жазушы», 1965; Жаңғырық. Өлеңдер, тақпақтар, ертегілер, жаңылтпаштар. А., «Жалын», 1976.
