Веревочкин Николай Николаевич 1949 жылы Солтүстік Қазақстан облысының қазіргі Шал ақын ауданында туған. Жазушы, журналист, суретші-карикатурашы.
Геодезия маманы, тас қалаушы, ағаш кесуші болып істеген. Мамандығы бойынша Н.Веревочкин – журналист. Ресей мен Қазақстанның аудандық, облыстық, жастар, республикалық газеттерінде жұмыс істеген.
«Грибной дождь в Новостаровке» атты алғашқы повесі 1992 жылы "Нива" журналында жарияланды, 1993 жылы "Простор" журналында «Жертвенный осел» повесі басылып шықты.
Н. Веревочкин – төрт прозалық кітаптың, қазақстандық және ресейлік журналдарда жарияланған жиырмадан астам повестердің авторы, халықаралық "Русская премия" байқауының лауреаты, "Ясная поляна" әдеби сыйлығының финалисті, "Қазіргі пьеса" («Ковчег-транзит, немесе Время строить лодку») және "Қазіргі роман" («Зуб мамонта») номинацияларында "Сорос-Қазақстан" қоры байқауларының лауреаты.
