Әубәкір Нілібаев
НІЛІБАЕВ ӘУБӘКІР (1928 – 2014)
10 сәуірде Шығыс Қазақстан облысының Зайсан ауданында Қара Ертіс өзенінің жағасында туған. Зайсан педагогикалық училищесін, Қазақ мемлекеттік университетінің филология факультетін бітірген.
Аудандық мектептерде мұғалім, оқу ісінің меңгерушісі, мектеп директоры болып қызмет атқарған. 1959 жылдан журналистік жұмысқа ауысып, Зайсан аудандық «Достық», Алматы облыстық «Жетісу», республикалық «Қазақ әдебиеті» газеттерінде әдеби қызметкер, бөлім меңгерушісі, Қазақстан Жазушылар одағы фольклор секциясының кеңесшісі болып қызмет еткен.
Жиырмаға жуық жыр жинақтары шыққан: «Таңғы тыныс» (1967), «Болашақ осылай басталған» (1970), «Ақмарал» (1970), «Жыр жалау» (1972), «Қоңыр жел» (1973), «Алаулаған армандар» (1974), «Көңіл көзі» (1976), «Аққу-қаздар» (1977), «Іңкәр жүрек» (1978), «Күнім менің» (1980), «Жер жүрегі» (1984), «Жиһан жиһазы» (1987), «Асыл адам» (1989), «Мың сөз» (2001), «Советский писатель» баспасынан «Звезды степи» деген жыр жинағы шыққан (1985). Эсхилдің «Бұғауланған Прометейін», «Буырқанған бұла жыр» деген атпен шыққан Азия және Африка ақындарының өлеңдерін, «Ленинді әлем жырлайды» атты кітапты, Пәкстан ақыны Мұхаммад Икбалдың таңдамалы өлеңдері мен поэмаларын, Э.Потьенің өлеңдері мен поэмаларын, М.Лермонтовтың, Р.Тагордың, орыс ақындары В.Маяковскийдің, Н.Забловскийдің, М.Светловтың, т.б. өлеңдерін аударған. 2002 жылы Үнді эпосы «Махабхарата», 2004 жылы «Ригведа», «Бхагавадгита» атты кітаптары «Өлке» баспасынан, 2005 жылы Астанадағы «Аударма» баспасынан «Махабхарата», «Рамаяна» деген аударма кітаптары жарық көрген.
2006 жылы «Дхаммапада» және Рабиндранат Тагордың таңдамалы шығармаларын аударып бастырған. 1983 жылы «Жазушы» баспасынан оның құрастыруымен Моңғолия ақындарының кітабы қазақ тілінде жарық көрсе, 1986 жылы Мәскеудегі «Современник» баспасынан «Степное солнце» деген атпен қазақ ақындарының өлеңдері орыс тілінде басылып шыққан. Үндістан Республикасының Падма Шри сыйлығының лауреаты, Пәкстан Республикасының Икбал Академиясының «Икбалдың Алтын ескерткіші» сыйлығының иегері. «Жеңістің 60 жылдығы», «Ерен еңбегі үшін» медальдарымен марапатталған.
Көп оқылғандар
Қуаныш Жиенбай. Нөсер
Әдеби мәтіндерді қалай және қандай деңгейде талдауға болады немесе бір мәтінді бірнеше түрде талдау мүмкін бе?
Әлихан Мақсұт атындағы робототехника орталығы ашылды
Әдеби мәтіндерді қалай және қандай деңгейде талдауға болады немесе бір мәтінді бірнеше түрде талдау мүмкін бе?
Бақытбек Қадыр. Шаштараз
Асқар Алтай. Тасқын тып-типыл қылған «...Табыты»
Бозінгендей боздаған – Жамалхан Қарабатырқызының жоқтаулары
Ілияс Жансүгіров. "КҮЙШІ" поэмасы туралы бірер сөз
«Кітапхана. Кітап. Оқырман» атты кітап апталығы өтеді
«Қазақтың құдіретті Құнанбайы» жыр мүшәйрасы!
Cұраған Рахметұлы. Журнализм – қалам ұшындағы әлем
Төлеубек Омаров. Өлеңде бір терім бар алынбаған...
Жәнібек Қожық. Маңғыстау - құтты мекен, тұнған тарих
Дулат Аюбаев. Өлең сүйер Шыңғыстаудың ұлы екем
Максималар мен қоғамдық ойлар...
Серік Құлжахан.Қызыл сақал
Бекен Қалымбекұлы. Доңыз қырған жыл
Мақсат Тәж-Мұрат. Әр адамның арылу күні болуы тиіс
Думан Рамазан. Алланың әмірі
Жәудір Нартай. Люданың хаты
Мәлік Бердалиев. Ей, бауырым, өлеңімнің сырын ұқ...
«Атамекеннің» «Ақ кемесі»
Сауытбек Абдрахманов. «Жадовскаядан»...
Сүйікті етші, сүйіктім
Лев Толстойдың күнделік жазбалары
«Адамтану» арқылы әдебиетті оқытқан