Жансая Жарылғапов

1975 жылы туған, жоғары білімді, 1996 жылы Е.А.Бөкетов атындағы Қарағанды мемлекеттік университетін қазақ тілі мен әдебиеті мамандығы бойынша бітірген. Филология ғылымдарының докторы.

Қызметтік жолын 1996 жылы Е.А.Бөкетов атындағы Қарағанды мемлекеттік университеті қазақ әдебиеті кафедрасының оқытушысы болып бастаған. 2000 жылы «70-80-жылдар қазақ прозасындағы адам концепциясы» деген тақырыпта кандидаттық диссертация қорғады. 2005 жылы доцент ғылыми атағы берілді. 2005-2006 жылдары аталған университетте қазақ әдебиеті және теория кафедрасының меңгерушісі болды. 2006-2009 жылдар аралығында 10.01.02 – қазақ әдебиеті мамандығы бойынша докторантураның күндізгі бөлімінде оқыды. 2009 жылы «Қазақ прозасындағы әдеби ағымдар және көркемдік әдіс» тақырыбында докторлық диссертация қорғаған. Қазір қазақ әдебиеті кафедрасының меңгерушісі қызметін атқарады.

140-тан астам ғылыми мақаланың, «Жүсіпбек Аймауытов шығармашылығын оқыту мәселелері» (1997) атты оқу-әдістемелік құралының, «ХХ ғасыр соңындағы қазақ прозасының идеялық-эстетикалық мәселелері» (2003), «Жанр және көркемдік әдіс» (2011) атты оқу құралдарының, «Қазақ прозасы: ағымдар мен әдістер» (2009), «Ұлттық прозадағы әдеби ағымдар типологиясы» (2011) «Қазақ прозасы: модернизм және постмодернизм» (2015) атты монографиялардың авторы.

2010 жылдың «Жоғары оқу орныныңүздік оқытушысы» мемлекеттік грантының иегері.

2013 жылғы ҚР Білім және ғылым министрлігінің Ғылым мен техниканың дамуына айрықша үлес қосқан ғалымдар мен мамандарға арналған мемлекеттік ғылыми стипендианың иегері.

2014 жылы Қазақстан Республикасының Тұңғыш Президенті Қорының ғылым мен техника саласындағы сыйлығының лауреаты.

Ұлттық әдебиеттегі көркемдік әдістер мен әдеби ағымдарды, қазақ әдебиетінің идеялық-философиялық тың парадигмаларын, Тәуелсіздік жылдарындағы қазақ әдебиетінің даму ерекшеліктерін зерттеумен айналысады.