Алаш Кеңшілікұлы – ақын, прозаик. 1976 жылы Монғолияның Баян-Өлгий аймағы Улаанхус сұмыны Ойғыр өлкесінде дүниеге келген. 1993 жылы Көкмойнақ мектебін, 1995 жылы Улаанхус 10 жылдық мектебін, 1996 жылы аймақтық Мамамндық бағдар беру орталығын есепші-оператор мамандығымен бітірген. Монғолия Журналистері біріккен одағының мүшесі.
Алғашқы шығармасы «Балдәурен» газетінде 1992 жылы «Ұйқының кесірі» деген атпен жарияланған. Ақынның топтама өлеңдері монғол тіліне аударылып «Дундговийн амьдрал», «Алтайн мэдээ» газеттерінде басылып шықты. Әңгімелері «Шұғыла» журналында жарияланып келеді. Өлеңдері, прозалық туындылары мен мақалалары Қазақстанда шығатын басылымдар мен интернет-ресурстарда жарияланып келеді. Қизат Таңбаханұлымен бірлесіп «Қос шынар» атты кітабын шығарған. 1997 жылдан бері Көкмойнақ орта мектебінде қызметтейді.
«Моңғолия журналистикасына 100 жыл» мерекелік медалімен сыйланған. «Құрыш қалам» иегері.
