Сәнді Ақылай

Ақылаева Сәнді Күреңбайқызы - 1972 жылы 7 ақпанда Алматы облысы Балқаш ауданы, Қарой ауылында дүниеге келген. Балқаш Гуманитарлық Техникалық Университетін бітірген. Қазіргі таңда Ақмола облысында Целиноград ауданы Жалғызқұдық орта мектебінде орыс сыныптарына қазақ тілі әдебиет пәнінің мұғалімі. Музей жұмысының жобасын жалғастыршы. Тоғызқұмалақ үйірмесінің жаттықтырушысы. Тоғызқұмалақ пен тоғыз санының құпиясы атты ғылыми жұмысы республикалық жүлдеге ұсынылып баспаға жарияланған. Ақын, ұстаз Сәнді Ақылайдың Жүрек перзенттері, Рух патшалығына саяхат, Өлең ғұмыр жыр жинақтары бар. Бірнеше антологияларға, республикалық баспаларға енген. Қосымша сазгердікпен де ,аудармашылықпен де айналысады. Бірнеше проза, эссе жанрында жазған шығармалары бар. “Орыс келе жатыр”, “Өкпелегіш сиыр”, “Құдық”, “Тағдырдың темекісі”, “Құлыншақтың ақыры”, “Қалжыңсыз әлем” атты шығармалары оқырман көңілінен шыққан. Мәскеудегі “Ару дүние” поэзия ұжымының Қазақстандағы координаты, Қазақстан авторлар қоғамының мүшесі. Төлеген Айбергенов атындағы медальдің иегері, “Батыр ана” Алтын алқа иегері.