Морис Матерлинк

Басты бет

Авторлар

Морис Матерлинк

Морис Матерлинк - (1862-1949) бельгия жазушысы, Нобель сыйлығының лауреаты.

ОРЫС СИМВОЛИСТЕРІ ТАБЫНҒАН АҚЫН

1895 жылы «Орыс символистері» деп аталатын жинақта жас ақын Владимир Даровтың өлеңі жарық көреді.
Мертвецы, освещенные газом!
Алая лента на грешной невесте!
О, мы пойдем целоваться к окну!
Видишь, как бледны лица умерших?
Это - больница, где в трауре дети...
Это - на льду олеандры...
Это - обложка романсов без слов.
Милая, в окна не видно луны.
Наши души - цветок у тебя в бутоньерке.

Мағынасы бұлдыр, формасы өзгеше болып туған бұл өлең сол кездегі орыс қоғамында қызу пікірталас туғызды. Белгілі әдебиеттанушы Василий Розанов «Символистер мен декаденттер туралы» деген мақаласында орыс поэзиясына келген мұндай жаңашылдықты қабылдай алмай, оны қатты сынға алды. Ал, жинақты құрастырушы Валерий Брюсов пен оның жақтастары керісінше бұл лирикалық шығарманы жас ақынның ең үлкен әдеби табысы ретінде бағалады. Шын мәнісінде бұл ерекше өлең Владимир Даровтың төл туындысы емес еді. Ол бар-жоғы сол кездегі танымал ақын, әрі драматург Морис Метерлинктің өлеңін аударып, оны орыс оқырмандарына ұсынған-тын. «Шығармашылық әлеміндегі көп қырлы әдеби қызметі үшін» Нобель сыйлығын алып, граф титулын иеленген Морис Метерлинк осыдан жүз жыл бұрын Ресейдегі күміс ғасыр ақындарына қатты әсер еткен тұлға болды. Әсіресе, орыс символистері ақын жырларын жастанып оқыды. Дей тұрсақ та бүгінгі таңда оның артында қалған бес өлеңдер жинағы әдебиет саласының арнайы мамандарынан басқа ешкімнің де қызығушылығын туғыза қоймайды.

Амангелді Кеңшілікұлы