Жанат Боқашұлы

Жанат Боқашұлы – 1976 жылы туған. Ұлу. Білім жолын Өлгий қалалық 2-інші аға мектебі табалдырығын аттаумен бастаған.Әкесі Боқаш(шын аты Үрімхан) халық арасына танымал Абай, Ақыт қатарлы қазақ ғұламаларының жырларын толықтай жатқа білетін,оқымаса да ойға тоқыған зерделі қарапайым жан болса анасы Мағпира да сөзге шешен болыпты.Ұлы көш басталған сонау алмағайып кезеңдерде 1993-інші жылы Ресей елі Таулы Алтай өңірі Қош- ағаш ауданы Жаңа-ауыл селосындағы орта мектептің 9-ыншы сыныбын 1995-інші жылы Қазақстан елі Талдықорған қаласындағы Мағжан Жұмабаев атындағы 19-ыншы мектеп-гимназиясынан 11-інші сыныпты тәмәмдаған. 2001-інші жылы А.Байтұрсынов атындағы Қостанай мемлекеттік университетінің тарих факультетін үздік бітірген.Мамандығы тарих пәнінің оқытушысы.

Өлгий қалалық Кәсіптік оқыту өндірістік орталығында қоғамтану пәнінің ұстазы болды. Қазақстанда әрі аймағымызда жүрілген жыр мүшәйралардың жеңімпазы. «Ай тамшысы» /2009/, «Аққулар оралғанда...» /2016/, «Қожаберген» (поэма) /2018/ жыр жинақтарының авторы. Моңғолдың әйгілі ақын, жазушылары О.Дашбалбар, Б.Явуухулан, Цэдэндорж, Р.Чойном, Б.Цогзаяабаатар қатарлы тағы басқа көптеген ақындардың жырларын қазақшаға тәржімалаған. Моңғолия Жазушылар Одағының О.Сэр-Од атындағы поэзиялық сыйлықтың иегері. Баян-Өлгий аймағының Қазақ Қаламгерлері одағының жанынан құрылған «Шамшырақ» әдеби бірлестігінің жетекшісі. Б.Жанат әке жолымен Абай, Ақыт жырларын санасына толық сіңірген, көптеген әдеби сараптамалар жасап жүрген ақын болды.

Ақын 2020 жылы дүниеден өтті.