Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Авторлар
А
Адамбаев Балтабай

Адамбаев Балтабай

Адамбаев Балтабай
Рейтинг:
Өмірбаяны

Ақын, фольклоршы, әдебиеттанушы, филология ғылымдарының кандидаты, Ұлы Отан соғысына қатысушы АДАМБАЕВ Балтабай Әбідрахманұлы. 1919 жылы 24 қыркүйекте бұрынғы Сырдария облысы Шымкент облысы Байқадам аулында туған. Қазақ мемлекеттік университетін бітірген. Сарысу аудандық газетінде, Жамбыл облыстық комсомол комитетінде, Тараз қаласының орта мектебінде жұмыс жасады. 1957 жылдан - Қазақ КСР Ғылым академиясының Әдебиет және өнер институтында аға ғылыми қызметкер. Б.Адамбаевтың өлеңдері 1938 жылдан жариялана бастады. «Сырларым», «Ақбөбек», «Аманат» «Тұлпардың ізімен», өлеңдер жинақтары мен «Жауынгер жолы» повестері мен әңгімелер жинағы, «Мәди» тарихи повесі бар. Қазақ халқының бай ауыз әдебиетін, оның ішінде халық даналығы - шешендік сөздер мен мақал-мәтелдерді зерттеумен шұғылданды. «Қазақ ертегілері», «Шешендік сөздер», «Ел аузынан» жинақтарын құрастырған. «Халық даналығы», «Қазақтың шешендік сөздері» зерттеулерін жазды. Екі мәрте ІІ дәрежелі Отан соғысы орденімен марапатталған.

Көрнекті филолог ғалым 1990 жылы 12 қазанда Алматы қаласында өмірден өткен.

Podcasts

Көп оқылғандар