Бақытжан Момышұлы

МОМЫШҰЛЫ БАҚЫТЖАН (1941 – 2012) 3 қарашада Алматы қаласында туған. Абай атындағы Қазақ педагогигалық институтына оқуға түсіп, сосын оқуын Шет тілдері институтында жалғастырған.

Шығармашылық еңбек жолын Жамбыл облысы Жуалы ауданының «Новая жизнь» (1963) және Жамбыл облыстық «Знамя труда» (1964) газеттерінде бастап, 1965 жылдан республикалық «Ленинская смена» газетінде жалғастырады. 1972 жылы «Жазушы» баспасының орыс аударма редакциясына жұмысқа тұрады. Әдебиеттегі жолын көркем аудармадан бастаған.

Өзінің төл шығармаларымен қатар Шерхан Мұртаза, Кәкімжан Қазыбаев, Кемел Тоқаев, Шаим Шаваев, Оралхан Бөкеев, Сейдахмет Бердықұлов, Қалдарбек Найманбаев, Жайсаңбек Молдағалиев, Мәди Айымбетов, Болат Бодаубаев сынды жазушылардың шығармаларын орыс тіліне аударды.

«Добрые мосты» (1972), «Раскаленные камни» (1974), «Прозрачные льдины» (1976), «Тихие голоса» (1978), «Я еще ребенок» (1982), «Когда ты рядом» (1983), «Мен әлі сәбимін» (1984), «Жанымның жарық жұлдызы» (1985), «Восхождение к отцу» (1986), «Детивеликаны» (1988), «Во имя отца» (2001), «Сыновья Великого Волка» (2004), «В поиске света» (2004), «Путь Огненного орла» (2005), «Орда алая и мечеть белая» (2006), «Сердце Волка» (2007), «Преломление Света» (2008), «Явление синего Таутеке» (2011), «След птицы в небе» (2011), «Предание князей времени» (2011), «Мелодии детей солнца» (2013), «Свет волчьей тропы» (2013), «Тропой пера и дорогой меча» (2015) атты кітаптары жарық көрді.

Кезінде бітпей қалған «Черная звезда», («Қара жұлдыз») атты ертегі-повесін 2019 жылы қазақстандық жазушы Юрий Серебрянский аяқтап, жарыққа шығарды. «Құрмет» орденінің, Жазушылар одағы сыйлығының иегері. Л.Н. Толстой медалімен, Ауған соғысы ардагерлерінің «Құрмет белгісімен» марапатталған.