1950 жылы Алматы мемлекеттік консерваториясының (қазіргі Қазақ ұлттық консерваториясы) домбыра класын Қали Жантілеуовтің сыныбынан бітірген.
1950 жылдан осы консерваторияның халық аспаптары кафедрасында ұстаздық етті. 1980 жылдан профессор. 1959-1961 жылдары КСРО Мәдениет министрлігінің жолдамасымен Моңғолияның астанасы Ұланбатыр қаласында осы елдегі қазақтардың өнері онкүндігін өткізуге басшылық етті. Баян-Өлгий музыкалы-драма театры жанында алғаш қазақ халық аспаптар оркестрін ұйымдастырды. Осы еңбегі үшін 1960 жылы Моңғолияның «Алтын жұлдыз» орденмен марапатталды.
Еңбектері:Домбыра оркестрін қалай ұйымдастыру керек, А., 1956;
Пьесалар. Домбыра үшін, А., 1957; Алғашқы домбыра үйрену мектебі, А., 1966;Домбыраға арналған этюдтер мен пьесалар, А., 1966; Қуанамын. Партитура, А., 1977. Аспаптық және вокалдық шығармалары: “Алатау аясында”, “Тыңға аттану”, “Қазақ биі”, “Толғану”, “Қуанамын”, “Романс”, т.б.
