Қадыр Әлімқұлов

Қадыр Әлімқұлов – 1949 жылы 1 қаңтарда Алматы облысының Кербұлақ ауданындағы Шормақ батыр (бұрынғы Басши) ауылында туған. 1967-70 жж. Владивосток қаласында әскери борышын өтеген. Қазақ мемлекеттік университетінің журналистика факультетін бітірген (1975), «Социалистік Қазақстан («Егемен Қазақстан») газетінде тілші, 1971-79 жж. «Білім және еңбек» «Зерде») журналында жауапты хатшы, 1979-82 жж. Қазақ теледидарында комментатор, 1982-86 жж. «Социалистік Қазақстан» газетінің Алматы облысындағы меншікті тілшісі, 1986-90 жж. Алматы облыстық партия комитетінің үгіт және насихат бөлімі меңгерушісінің орынбасары, 1990-2015 жж. ҚР Президентінің Әкімшілігінде жауапты қызметтерде болды.

«Тағдыр көзіндегі тамшы», «Жан тұңғиығындағы жауһарлар», «Сартап сағынышым сағымданған», «Тәуелсіздік», «Ғашықтық ғұмыр»жыр жинақтары жарық көрген. Ақын М.Қайыңбаевпен бірігіп жазған «Сүзге сұлу» поэтикалық драмасыел тәуелсіздігінің 10 жылдығына орай өткізілген республикалық жабық байқауда жүлде алып, жеке кітап болып басылып шықты. Проза саласында да қалам тербеп жүр. "Әкемнің әлемі», «Дүрия дәурен» романдары мен «Мәңгілік мұра» монографиясы, әңгімелер мен хиткаяттардан тұратын «Бойтұмар», «Бәдізші біліктері» (тәмсілдер кітабы)» жинақтары жарық көрген. «Жүгініс түні жеткенде» атты традегедиясы сахналанған. Сондай-ақ «Ырыс арнасы», М.Қасымбековпен бірлесіп жазған «Нұрсұлтан деп ат қойдым...» публицистикалық кітаптарының, «Екі тілде іс жүргізу» анықтамалық сөздіктерінің авторы. Әуесқой сезгер ретінде де танымал. Оның Н.Нүсіпжанов, Г.Хамзина, А.Исағұлова, М.Омаров, Е.Стамғазиев, Т.Кенішханұлы, Т.Нұрахметова сияқты әншілердің орындауындағы туындылары республикалық эфирден беріліп тұрады.

Қазақстанның еңбек сіңірген қайраткері. Кербұлақ ауданының Құрметті азаматы.